Forumi i 9-të i Shoqërisë Civile për Qëndrueshmëri: Formësimi i Marrëveshjes së Gjelbër Evropiane, Bruksel nga 4-6 nëntor 2024

Jemi të lumtur që kemi qenë pjesë e Forumit të 9-të të Shoqërisë Civile për Qëndrueshmëri: Formësimi i Marrëveshjes së Gjelbër Evropiane, në kuadër të Projektit RealDeal.
Gjatë këtij forumi dy-ditor, organizatat e shoqërisë civile u bashkuan për të trajtuar një nga sfidat më urgjente të sotme: formësimin e së ardhmes së Marrëveshjes së Gjelbër Evropiane për të nxitur ndryshime sistemike për njerëzit dhe planetin.
Pas forumit, gjatë dy ditëve në vijim, Drejtoria Ekzekutive e CRLDS kontribuoi në mënyrë aktive në punëtori tematike mbi tema kyçe si "Dekolonizimi i Dekarbonizimit", "Një Ekonomi e Mirëqenies: Nga Idetë në Veprime Transformuese" dhe "E Ardhmja e Demokracisë Deliberative dhe Pjesëmarrjes Publike nën Komisionin e Ri".
Përmbledhjet kryesore nga panelet dhe punëtoritë:
Drejtësia Sociale + Qëndrueshmëria: Veprimi klimatik duhet të adresojë pabarazinë sociale.
Mbrojtja Klimatike dhe Sociale: Përballimi i ndikimeve klimatike kërkon sisteme të përforcuara të mbrojtjes sociale.
Solidariteti Global: Ne duhet ta zgjerojmë mbrojtjen sociale globalisht për të siguruar që askush të mos lihet pas dore. Thirrja është e qartë: është koha për të mobilizuar zërat e OSHC-ve për veprim në vendet tona dhe në të gjithë Evropën!