Forumi i 34-të Ekonomik në Karpacz

“Patëm kënaqësinë të kishim Drejtoreshën tonë Ekzekutive, znj. Luiza Hoxhaj, si folëse në Forumin e 34-të Ekonomik në Karpacz, në panelin 'Pse ia vlen të mbështeten qytetet e mesme'.
Paneli mblodhi ekspertë të nivelit të lartë nga e gjithë Evropa për një diskutim të thelluar mbi rolin strategjik të qyteteve të mesme në nxitjen e kohezionit, inovacionit dhe zhvillimit të qëndrueshëm.

Në ndërhyrjet e saj, znj. Hoxhaj trajtoi:
 Pse rëndësia e qyteteve të mesme ndryshon në vende të ndryshme në varësi të gjeografisë, popullsisë, historisë dhe faktorëve kulturorë.
 Si i mbështet BE vendet kandidate si Shqipëria në zhvillimin rajonal përmes IPA III, Planit Ekonomik dhe të Investimeve për Ballkanin Perëndimor dhe programeve ndërkufitare.
 Roli i shkencës dhe kërkimit në fuqizimin e qyteteve të mesme për t'u bërë laboratorë të inovacionit dhe rritjes gjithëpërfshirëse.

Jemi krenarë që CRLDS u përfaqësua në një debat kaq të shquar, duke nënvizuar edhe një herë angazhimin tonë për të promovuar zhvillimin e qëndrueshëm dhe të ekuilibruar në Shqipëri dhe në rajonin e gjerë.”